Nombres 17.7
Vulgate

¹ Locutusque est Dominus ad Moysen, dicens
² Praecipe Eleazaro filio Aaron sacerdoti ut tollat thuribula quae jacent in incendio et ignem huc illucque dispergat quoniam sanctificata sunt
³ in mortibus peccatorum producatque ea in laminas et affigat altari eo quod oblatum sit in eis incensum Domino et sanctificata sint ut cernant ea pro signo et monimento filii Israël
⁴ Tulit ergo Eleazar sacerdos thuribula aenea in quibus obtulerant hi quos incendium devoravit et produxit ea in laminas affigens altari
⁵ ut haberent postea filii Israël quibus commonerentur ne quis accedat alienigena et qui non est de semine Aaron ad offerendum incensum Domino ne patiatur sicut passus est Core et omnis congregatio ejus loquente Domino ad Moysen.
⁶ Murmuravit autem omnis multitudo filiorum Israël sequenti die contra Moysen et Aaron, dicens Vos interfecistis populum Domini
⁷ Cumque oriretur seditio et tumultus incresceret
⁸ Moyses et Aaron fugerunt ad tabernaculum fÅ“deris Quod postquam ingressi sunt operuit nubes et apparuit gloria Domini
⁹ Dixitque Dominus ad Moysen
¹⁰ Recedite de medio hujus multitudinis etiam nunc delebo eos Cumque jacerent in terra
¹¹ dixit Moyses ad Aaron Tolle thuribulum et hausto igne de altari mitte incensum desuper pergens cito ad populum, ut roges pro eis jam enim egressa est ira a Domino et plaga desaevit
¹² Quod cum fecisset Aaron et cucurrisset ad mediam multitudinem quam jam vastabat incendium obtulit thymiama
¹³ et stans inter mortuos ac viventes pro populo deprecatus est et plaga cessavit
¹⁴ Fuerunt autem qui percussi sunt quatuordecim millia hominum et septingenti absque his qui perierant in seditione Core
¹⁵ Reversusque est Aaron ad Moysen ad ostium tabernaculi foederis postquam quievit interitus

Le bâton d’Aaron

¹⁶ et locutus est Dominus ad Mosen dicens
¹⁷ loquere ad filios Israhel et accipe ab eis virgas singulas per cognationes suas a cunctis principibus tribuum virgas duodecim et uniuscuiusque nomen superscribes virgae suae
¹⁸ nomen autem Aaron erit in tribu Levi et una virga cunctas eorum familias continebit
¹⁹ ponesque eas in tabernaculo foederis coram testimonio ubi loquar ad te
²⁰ quem ex his elegero germinabit virga eius et cohibebo a me querimonias filiorum Israhel quibus contra vos murmurant
²¹ locutusque est Moses ad filios Israhel et dederunt ei omnes principes virgas per singulas tribus fueruntque virgae duodecim absque virga Aaron
²² quas cum posuisset Moses coram Domino in tabernaculo testimonii
²³ sequenti die regressus invenit germinasse virgam Aaron in domo Levi et turgentibus gemmis eruperant flores qui foliis dilatatis in amigdalas deformati sunt
²⁴ protulit ergo Moses omnes virgas de conspectu Domini ad cunctos filios Israhel videruntque et receperunt singuli virgas suas
²⁵ dixitque Dominus ad Mosen refer virgam Aaron in tabernaculum testimonii ut servetur ibi in signum rebellium filiorum et quiescant querellae eorum a me ne moriantur
²⁶ fecitque Moses sicut praeceperat Dominus
²⁷ dixerunt autem filii Israhel ad Mosen ecce consumpti sumus omnes perivimus
²⁸ quicumque accedit ad tabernaculum Domini moritur num usque ad internicionem cuncti delendi sumus